1 Maji sot “festohet” me protesta për të drejtat e punëtorëve

Në ditën e cila njihet si ajo e punëtorëve, 1 maj, do të mbahen dy protesta në sheshet e Prishtinës.

Federata Sindikale e Punëtorëve të Sektorit Privat të Kosovës, për nder të 1 majit, do ta fillojë protestën nga ora 11:00, e cila do të nis nga sheshi “Zahir Pajaziti” e do të vazhdojë deri para objektit të Qeverisë.

Ndërsa, nga ora 12:00 do të fillojë protesta e dytë që do të mbahet nga Kolektivi Për Mendim dhe Veprim Feminist nën thirrjen: Punëtore e punëtorë të bashkuar kundër shtypjes.